28 აპრილიდან 8 მაისამდე საქართველოსა და NATO-ს ქვეყნების სამხედრო მოსამსახურეებისთვის სამეთაურო-საშტაბო წვრთნები თბილისის მახლობლად, კრწანისში, საქართველო-NATO-ს ერთობლივი წვრთნისა და შეფასების ცენტრში (JTEC) გაიმართება. ამის შესახებ საქართველოში იტალიის საელჩოდან იტყობინებიან.
საელჩოს განცხადებით, წვრთნების მიზანია ერთობლივი წვრთნისა და შეფასების ცენტრის შესაძლებლობების გამოცდა და ბრიგადის გამოცდა, რომელიც ძირითადად ქართველებითაა დაკომპლექტებული, მაგრამ ასევე მოიცავს საერთაშორისო სამხედრო პერსონალსაც.
წვრთნებში ასევე მონაწილეობას მიიღებენ სამხედრო პერსონალი აზერბაიჯანიდან, ალბანეთიდან, ბულგარეთიდან, უნგრეთიდან, გერმანიიდან, საბერძნეთიდან, პოლონეთიდან, სლოვაკეთიდან, აშშ-დან, თურქეთიდან და საფრანგეთიდან.
სწავლებებზე სომხეთი დამკვირვებლის სტატუსით იქნება წარმოდგენილი.
