სომხეთში ილონ მასკის კოსმოსური კომპანიის, SpaceX-ის სატელიტური ინტერნეტის ქსელი Starlink-ი ამოქმედდა. სომხეთის მაღალტექნოლოგიური ინდუსტრიის მინისტრის, მხითარ ჰაირაპეტიანის განცხადებით, სწრაფი და საიმედო ინტერნეტით სარგებლობა უკვე ქვეყნის ნებისმიერი წერტილიდან, მათ შორის ყველაზე მიუდგომელი რეგიონებიდანაცაა შესაძლებელი.
თავის მხრივ, პრემიერ-მინისტრი ნიკოლ ფაშინიანი სოციალურ ქსელში წერს, რომ Starlink-ის აბონენტებს შეუძლიათ, სერვისით ისარგებლონ სომხეთის რესპუბლიკის მთელ ტერიტორიაზე, „ბუნების წიაღში, მთებში, მინდვრებში, ტყეებში, დარჩნენ უშუალო კონტაქტში სამყაროსთან და ბუნებასთან.“
Starlink მსოფლიოში ერთ-ერთი მოწინავე სატელიტური ფართოზოლოვანი ინტერნეტ სისტემაა, რომელიც უზრუნველყოფს მაღალსიჩქარიან, დაბალი დაყოვნების მქონე ფართოზოლოვან ინტერნეტს მთელს მსოფლიოში, მათ შორის იმ ადგილებში, სადაც ინტერნეტ კავშირი დაბალი საიმედოობის, უხარისხო ან სრულიად მიუწვდომელია.
X-ზე ასევე გამოეხმაურა სატელიტური ინტერნეტის გაშვებას თავას მასკიც.
„Starlink-ი ახლა უკვე სომხეთშიცაა! ჩვენი მიზანია, პლანეტის ნებისმიერი წერტილი დავაკავშიროთ სწრაფ ინტერნეტთან. მომავალი ციფრულია,“ – წერს მასკი. ის ამბობს, რომ Starlink-ის მისია არამხოლოდ ურბანული, არამედ, ყველაზე მიყრუებული ადგილების ციფრულ სამყაროში ინტეგრაციაა.
საქართველში სტარლინკი 2023 წლიდან არის ხელმისაწვდომი.
