NATO-ს წევრების შიში რუსეთის პოტენციური თავდასხმის შესახებ, „არ არის გამართლებული“ და აშშ უზრუნველყოფს, რომ მოსკოვმა არ განახორციელოს ასეთი ქმედება, განაცხადა აშშ-ის პრეზიდენტმა დონალდ ტრამპმა, The Guardian-ის ცნობით.
”ეს არ მოხდება, ჩვენ დავრწმუნდებით, რომ ეს არ მოხდება,” აღნიშნა ტრამპმა.
ჟურნალისტებმა მას ჰკითხეს ზოგიერთი მოკავშირის შეშფოთების შესახებ რუსეთის შესაძლო აგრესიასთან დაკავშირებით და იმაზე, მიაჩნია თუ არა მას, რომ ეს შიშები გამართლებულია.
შეკითხვის საპასუხოდ აშშ-ის პრეზიდენტმა განაცხადა, რომ როდესაც “ეს გაკეთდება”, გულისხმობს რუსეთ-უკრაინის სამშვიდობო შეთანხმების მიღწევას, ყველაფერი (რედ.) “დასრულდება.”
„არ, არ ვფიქრობ ასე…მათ (რუს ჯარისკაცებს – რედ.) სურთ სახლში წასვლა და დასვენება,” – განაცხადა ამერიკის პრეზიდენტმა.
მანამდე დანიის თავდაცვის სამინისტროს დაზვერვის სამსახურმა განაცხადა, რომ რუსეთი NATO-სთან ომისთვის რამდენიმე წელიწადში მზად იქნება. დაზვერვის ანგარიშის მიხედვით, რუსეთი მიზნად ისახავს ალიანსის წინააღმდეგ ბრძოლას თანაბარ პირობებში და ამ მიზნის მისაღწევად ახორციელებს შეიარაღებული ძალების რეორგანიზაციას.
იმავდროულად, გერმანიის თავდაცვის მინისტრი ბორის პისტორიუსი გამოვიდა გაფრთხილებით, რომ რუსეთს შეეძლება, თავს დაესხას NATO-ს ქვეყნებს 2029 ან 2030 წლებში.
